27 ноябрь көнне Саба районы мәдәният йортында Әниләр көненә багышланган бәйрәм үтте
27 ноябрь көнне Саба районы мәдәният йортында Әниләр көненә багышланган чара үтте. Бәйрәмне Саба муниципаль районы башлыгы урынбасары Расих Рәхимҗан ул Зәкирҗанов ачып җибәрде.
Татарстан Республикасы "Ана даны" медале белән Нәҗипова Рәсимә Миннәхмәт кызы һәм Филиппова Лилия Рафис кызы бүләкләнде. Шулай ук, Татарстан Республикасы авыл хуҗалыгы һәм азык-төлек министрлыгы мактау грамотасы белән Вәлиева Илдария Сәлим кызы, Саба муниципаль районы мактау грамотасы белән Галиева Хәмдия Әнәс кызы, Саба муниципаль районы Башлыгының Рәхмәт хаты белән Галиева Тәгъзимә Габделгазиз кызы хөрмәтләнде.
"Саба таңнары" гәҗите һәм "Саба дулкыннары" телерадиокомпаниясе үткәргән конкурсларда җиңүчеләр үз бүләкләрен алдылар.
Әниләр көненә багышланган бәйрәмнең бүләге буларак Фирдүс Тямаев концерты булды.
Чыганак: saby.tatarstan.ru
Следите за самым важным и интересным в Telegram-каналеТатмедиа
Нет комментариев