65 ел гомер иткән Дания һәм Равил Ха­җи­евлар яшь­лек туйларын уздырган Гөлзилә һәм Ришат Нигамәтҗановларга изге Коръән тапшырдылар

Гаилә ныклыгын, бердәмлеген саклап,  гомер көзендә  балалар игелеген тигезлектә, бергәләп  татудан да олы бәхет юктыр. Шунысы куанычлы, районыбызда да әлеге парлы куаныч хисләре кичерүче  гаиләләр шактый.

Районыбызда күркәм га­дәт­кә әйләнгән 50 ел бергә го­мер иткән алтын парларны хөр­мәтләү тантанасына быел бар­лыгы 45 пар чакырылып, шуларның 30ы бәйрәмдә катнаша алды. Шулай ук 60 ел бергә гомер кичереп, бриллиант туйларын каршылаган 6 парның тантанага килә алган икесе бәйрәмнең иң түрендә булдылар.  Районыбызда шулай ук 69 һәм 68 ел тигезлектә күркәм тормыш алып барган берәр, 65 ел парлы гомер кичергән өч гаилә яши.

Иң элек ярты гасыр гомер кичереп, иңгә-иң куеп яшәгән парлар ЗАГС бүлеге мөдире Гөлнар Шәфыйкова тәкъдим иткән «Алтын ни­кахлар» ки­табына кул ку­еп, яшьлек ха­тирәләрен яңар­т­­тылар. Алтын парлар­ны район баш­лыгы Рәис Миңнеханов тәбрикләп, район­­ның, республиканың үсе­­шендә өлкән буынның өле­­ше зур булуын билгеләп үтте. «Сугыш һәм аннан сонгы авыр чор балалары булганлыктан, сезнең буынга зур сынаулар аша үтәргә, илебезне аякка бастыруда күп көч куярга туры килә. Илебез өчен куйган фидакарьлегегез, зур хезмәтегез, изге эшләрегез нәтиҗәсендә бүгенге матур тормышта яшибез. Лаеклы ялда булсагыз да, актив тормыш алып барасыз, хезмәт куясыз, үзегезнең тормыш тәҗрибәгездән чыгып онык-оныкчыклар тәрбиялисез. 50 ел бергә гомер итеп, алтын туйга килеп җитү – үзе бер бәхет. Арада бриллиант туйга барып җитүчеләр дә, узып китүчеләр дә бар. Киләчәктә дә шулай матур итеп яшәргә язсын», – диде үз чыгышында район башлыгы. Федераль салым хезмәтенең республика идарәсе җитәкчесе урын­басары Андрей Никиташин изге теләкләр җит­керде. Алып баручылар алтын пар­ларыбызның гомер юллары белән таныштырудан күренгәнчә, алар арасында төрле һөнәр, язмыш ияләре бар, әмма барысын да  үрнәк, тату тормыш, бә­хетле картлык берләштерә. Мәсәлән, Сәрдә авылыннан Нурия һәм Рәшит Гый­ла­җетдиновлар икесе дә бер авылда туып үсәләр. Гомер буе терлекчелектә хезмәт куялар. 12 бала тәрбияләп үстергәннәр. Бүген 20 оныклары, 4 оныкчыкларына ка­­­дерле әби-бабай булып, бул­ган тормышларына шөкер итеп гомер кичерәләр.

Кичәнең иң өлкән пары, 65 ел парлы гомер итеп, тимер туйларын билгеләп үтү­че Олы Шыңар авылын­нан Дания һәм Равил Ха­җи­евлар узган атнада гына яшь­лек туйларын уздырган Кызыл Мишә авылыннан Гөлзилә һәм Ришат Нигамәтҗановларга изге Коръән китабы тапшырдылар. Яшь гаилә олугъ бүләкне кабул итеп алып, гаиләләренең ныклы нигезле, озын гомерле буласына ышандырдылар. Муниципаль район башлыгы Рәис Миңнеханов Дания ханымның иңнәренә ак шәл салды, Равил абыйга түбәтәй киертте. ”Дус-тату итеп яшә­мәсәк, без бу бәйрәмне күрә алмас идек. Аллага шөкер, бик матур яшәдек. “Бабаем” дип кенә тордым. Тигезлектә булгач, чәйләр дә тәмле, көннәр дә ямьле. Бер-берегезне яратып, хөрмәтләп яшәсәгез, сез дә безнең кебек озак яшәр­сез”, – диде яшь парга Дания апа Хаҗиева. Алтын, бриллиант туйларын билгеләп үтүче гаиләләр исе­­меннән Иске Икшермә авы­лыннан килгән Роза һәм Фларит Габтелвәлиевлар, ал­­тын парларның балалары исеменнән Дәринә Исха­кова өлкәннәргә шундый җы­­лы бәйрәм оештырып, зур хөрмәт күрсәткән район җи­тәк­че­ләренә, оештыру­чы­ларга рәх­мәт сүзләре иреш­терделәр. Өл­кәннәребез хез­­мәт куйган оешма-пред­прия­тиеләр җи­тәкчеләре исе­­меннән “Сабагаз” идарәсе җи­­­­тәкчесе Ирек Мө­хетдинов чы­­­гыш ясап, бу көн­нең аңа икеләтә бәйрәм булуын, чөнки  алтын парлар бәйрәмендә әти-әнисе Тә­нирә һәм Иcмәгыйль Мөхет­диновлар катнашуын да әйтеп узды.

Тантананы алтын пар­ла­рыбызның матур җырлары тагын да ямьләде, үзешчән сәх­нә осталарының матур чыгышлары бизәде, дәрт­ле биюләр башкарылды, те­ләкләр те­лән­де, яшьлек хатирәләре барланды, кү­ңелләр нечкәрде. Тер­­гезгән гаилә учакларыгыз сүн­мәсен, балаларыгызга озак еллар әлеге учактан җылы алып яшәргә язса иде!