Агачлар утыртабыз

автор, 14 май 2021 - 08:56

907

Кем генә үзе утырткан агачларның шаулап үскәнен күреп горурланмый икән. Матурлыкны сизү, аны аңлау һәр кеше күңелендә булырга тиештер ул. Агачлар безнең һәрберебез күңелендә бары тик шатлык хисе генә уята. Бу хис Эзмә урта мәктәбе укучыларына яхшы таныш, чөнки без үз мәктәбебез әйләнәсенә ел саен агачлар утырту белән шөгыльләнәбез. Укучылар һәрдаим утырткан агачларны карап, су сибеп торалар. Мәктәбебез тирәсендә үзебез утырткан агачларның шаулап үсеп утыруын күреп күңел шатлана.