Бүген юл хәрәкәте куркынычсызлыгы дәүләт инспекциясе хезмәткәрләре көне

  ГИБДД хезмәткәрләре юллар иминлеге, кеше гомере сагында торалар. Нинди һава торышы, бәйрәм, ял булуга карамастан, тәүлекнең теләсә кайсы вакытында хезмәт урынында алар. Юлларда тәртипне күзәтеп тору, юл-транспорт һәлакәтләре булган урыннарга оператив рәвештә килеп җитү, руль артында исерек машина йөртүчеләрне туктату да алар җаваплылыгында. Юлга чыгучылар барасы җирләренә исән- сау барып җитсеннәр, өйләренә исән-имин әйләнеп кайтсыннар өчен алар көне-төне кизү тора. Кешеләргә игелек өләшүче бу һөнәр ияләренә нык сәламәтлек, авыр, җаваплы хезмәтләрендә зур уңышлар, тыныч, имин, тормыш телибез. Гел шулай халык рәхмәтен ишетеп, машина йөртүчеләргә хәерле юллар теләп кенә эшләргә язсын!