«Чабата биюе» буенча мастер-класс үтте.

Бүген Хөснулла һәм Аллаһияр Вәлиуллиннар исемендәге Саба балалар сәнгать мәктәбендә "Чабата биюе" темасына хореография буенча мастер-класс  булып узды. Мастер-класста Саба районы авыл мәдәният йортлары, китапханә хезмәткәрләре катнашты. Бию мастер-классын Саба балалар сәнгать мәктәбе хореографы Альбина Мөбарәкҗанова үткәрде. Кереш сүзендә ул борынгы заманнардан килгән "Чабата" татар биюе турында сөйләде. 

Мастер – класста профессиональ хореограф артыннан кабатлап, катнашучылар төп йөреш, тыпырдау, бау хәрәкәтләрен өйрәнделәр. Ахырда катнашучылар алган күнекмәләрен күрсәттеләр.Чараның музыкаль бизәлешен Рифат Абдуллин, Сәйдәш Солтанов  тәэмин итте.   Катнашучыларның барысына да сертификатлар тапшырылды.