Дин әһеле белән очрашу

Чара барышында дини конфессия вәкиле хезмәткәрләргә ислам тәгълиматының рухи-әхлакый аспектлары, җәмгыятьтә сәламәт мөнәсәбәтләр урнаштыру ислам әдәбенең төп максатларының берсе булуы, башкаларга  һәм  үзеңә  зыян салуның Коръән-кәримдә беркайчан да хупланмавы турында сөйләде. Кешеләрне гонаһлардан саклау өчен эчке эшләр органнары үткәргән профилактика чараларының да зарурлыгына басым ясады. Бүлек каршындагы җәмәгать советы рәисе, “Саба таңнары” газетасы мөхәррире Рөстәм Исмәгыйлов халыкны әхлакый яктан агарту юнәлешендә бүлек хезмәткәрләре белән берлектә эш  алып баруда мәгълүмат  чараларының роленә тукталды.