Гаилә - бәхет ачкычы

автор, 17 май 2021 - 17:00

749

15 май көнне Лесхоз мәдәният йорты һәм китапханә хезмәткәрләре "Китапханә һәм гаилә" проекты кысаларында "Гаилә көне" уңаеннан китап укучы гаиләләр белән очрашу уздырдылар.

Гаилә көне - бик мөһим һәм шактый популяр бәйрәм. Һәр шундый чара аның әгъзаларының мөнәсәбәтләренә уңай тәэсир итә һәм аларны якынайта. Җәмгыятьнең бу ячейкасына багышланган бәйрәм чаралары бигрәк тә аның берләшүенә ярдәм итәчәк. Бу чарада китапханәгә балалар белән бергә йөрүче гаиләләр катнашты. Алар өчен без тематик викториналар, төрле актив уеннар оештырдык. Чара бер сулышта узды, һәр гаиләгә бүләкләр һәм грамоталар тапшырылды.