Киләсе атна башында ЮХИДИ бүлекчәсе инспекторлары, полиция хезмәткәрләре белән берлектә, юл хәрәкәте кагыйдәләрен үтәмәүчеләрне ачыклау максатында, районда чираттагы “Тоннель” операциясе үткәрә.
Республикада юл-транспорт һәлакәтләрен кисәтү өчен 11 июльдән 10 августка кадәр игълан ителгән “Иминлек каешы” оператив-профилактика чарасы уңаеннан тикшерүләргә ешрак басым ясалачак. Автомобиль йөртүчеләр арасында әлеге таләпнең үтәлешенә битараф караучылар аеруча күп. Мисалга, 2021 елның 6 аенда иминлек каешын эләктермәгән өчен 789 йөртүче административ җаваплылыкка тартылса, быел шушы чорда 944 йөртүчегә беркетмә төзелгән.
Нет комментариев