Район башлыгы Рәис Миңнеханов гүзәл затларыбызны бәйрәм белән котлады
Район мәдәният йортында халыкара-хатын кызлар көне уңаеннан бәйрәм чарасы булып узды.
Бәйрәм тамашасы «Ел хатын-кызы. Ел ир-аты: хатын-кыз карашыннан» республика бәйгесендә катнашкан хатын-кызларыбызны тәбрикләү белән башланып китте. Саба муниципаль районы башлыгы Рәис Миңнеханов барлык хатын-кызларны бәйрәм белән тәбрикләгәннән соң конкурсның республика этабында җиңү яулаган "Игенче" җаваплылыгы чикләнгән җәмгыятенең алдынгы сыер савучысы Рушания Рәшит кызы Сабирҗановага, Сабаның махсус хәрби операциягә гуманитар ярдәм әзерләү штабының актив волонтеры Эльмира Киняш кызы Касымовага, Шәмәрдән мәдәният йорты директоры Гөлназ Мөнәвир кызы Әхмәтшинага һәм конкурсантларны әзерләүчеләр - район хатын-кызлар советы вәкилләренә бүләкләр тапшырды. Бәйрәм конкурсантларның чыгышлары белән дәвам итте. Бәйрәмнең икенче өлешендә Саба тамашачысына Россиянең һәм Татарстанның халык артисткасы Венера Ганеева концерты тәкъдим ителде.
Фәридә Вилданова фотолары
Следите за самым важным и интересным в Telegram-каналеТатмедиа
Нет комментариев