«Ромашка» агитбригадасы үз эшен башлап җибәрде

Кызу урак өстендә, төшке аш вакытында, мәдәният йорты үзешчәннәре “Игенче” җәмгыятендә эшләүче механизаторлар, комбайнчылар һәм ындыр табагы хезмәткәрләре өчен   "Дан сиңа игенче!» дип исемләнгән концерт программасы тәкъдим иттеләр. Бөтен  Татарстан халкы бәйрәм иткән көндә милли костюмнар кигән үзешчәннәр авыл хезмәтчәннәре өчен чыгыш ясадылар. Игенчеләр әйтүенчә, кырга килгән артистларның үзләре яраткан җырларны башкаруы, күптән онытылган көйләрнең яңгыравы аларның күңеленә бик ятышлы. Өлкән җырчылар Фирдәүсә Нәзирова, Зәлилә Әхмәтшина, гармунчы Рәкыйп Шәрипов, яшь башкаручылар Илсинә Гәрәева, Ландыш Сабирҗанова, Исламия Хисмәтова һәм мәдәният хезмәткәрләрен туплаган «Ромашка» агитбригадасы җәйге, кызу көннәрдә кыр станына концерт белән чыгып, хезмәт геройларын хөрмәтләде.