“Син яшәдең, сөйдең, яшьнәдең!”

Китапта Шамил Зиннуровның тормышы, иҗат юлы, истәлекләре һәм фотографияләре, бергә эшләгән хезмәттәшләренең, танылган шәхесләрнең язмалары урын алган. “Әти турында китап чыгару безнең гаиләнең  күптәнге хыялы  иде. Әти мәгариф өлкәсендә хезмәт куйганда, аның турында газета битләрендә  күп  кенә  язмалар  дөнья күрде. Ул якты дөньядан киткәч, шулай ук газеталарда, интернет киңлекләрендә  аның турында  язмалар бирелде. Әлеге китапны  чыгаруда үз өлешен  керткән һәр кешегә рәхмәт  сүзләрен җиткерәсе  килә”,– диелә  китапка төзүче-автор Алия Гайфуллина (Зиннурова)   язган кереш   сүздә.