Сәнгать мәктәбендә “Йолдызлар чаткысы” бию бәйрәме узды

автор, 11 май 2021 - 08:25

657

10нчы май көнне Саба балалар сәнгать мәктәбендә мәктәп күләм «Йолдызлар чаткысы» бию фестиваль-конкурсы узды. Бәйрәм халыкара бию көнен билгеләп үтү һәм 5нче сыйныф укучыларының “Концерт номерларын сәхнәгә кую осталыгы” предметыннан имтихан тапшыруга багышланган иде. Чарада барлыгы бию бүлегенең 150дән артык укучысы катнашты. Чыгышларда милли халык биюләре, заманча, тематик биюләр урын алды. 4,5нче сыйныф укучыларының үзләре иҗат иткән, сәхнәгә куйган номерлары тамашачылар тарафыннан алкышларга күмелде. Бәйрәм югары дәрәҗәдә үтте.