Шигъри дулкын
Кил хәерең белән
Килде безгә Елан елы Хәер-догасы белән. Шатлык, муллык, куанычлар Һәм үз йоласы белән.
Кайгы-хәсрәт урап узсын,
Тынычлык булсын илдә.
Бала-чаганың чыр-чуы
Ишетелсен һәр өйдә.
Чәчмә зәһәр агуыңны,
Беркемне чага күрмә.
Агуың шифа китерсен
Мең дә бер төрле чиргә.
Халыклар тыныч яшәсен,
Килмәсен бәла-каза.
Иңдер җиргә гел бәрәкәт,
Дөнья күмелсен назга.
Миңнегөл Манихова.
Следите за самым важным и интересным в Telegram-каналеТатмедиа
Нет комментариев