Кыш бабай

Зур рәхмәт сиңа, Кыш бабай,

Вакытында киләсең.

Безнең сагынып көткәнне

Син кайлардан беләсең?

Йөзең якты, күңелең шат,

Елмаюың кояштай.

Яшәгән җирләрең кайда,

Марстамы, әллә Ай?..

Кайда гына яшәсәң дә,

Исән-сау йөр юлларда.

Техникаң гел төзек булсын,

Адашма син буранда.

Очраса монда килгәндә,

Төрле җәнлек, хайваннар.

Теләгәннәрен алып кил,

Барсына да урын бар.

Безнең өчен син борчылма,

Монда бар да тәртиптә.

Укулар, Аллага шөкер,

Укыйбыз 4кә, 5кә.

Кабат рәхмәт, Кыш бабабыз,

Хәерле юллар сезгә.

Исән-сау гына йөри күр,

Изге теләкләр бездә.

Айрат Мәбарәкҗанов,

Юлбат урта мәктәбенең 5 сыйныф укучысы.