Килдебәк командасы Саба зонасында мини-футбол буенча югары лига җиңүчесе булды

Килдебәк авыл җирлегенең җыелма камандасы әлеге лигада уңышлы чыгыш ясады. Команда составында Мәртен авылыннан Сәйдәш Хафизов, Муса Шамсетдинов, Илсаф Шамсетдинов, Туктар авылыннан Нәфис Бариев, Райнур Әскәров, Раил Рафыйков, Ильяс Нәбиев, Килдебәк авылыннан Ранис Гөбайдуллин уйнадылар. Ә капканы Фазыл Гайфуллин (Килдебәк) һәм Фәнис Бариев (Туктар) сакладылар. Нәтиҗәдә, егетләр оста һәм матур уен күрсәтеп, бердәм команда булып, югары  лиганың зона этабында I урын яуладылар.