Сабада бүген кар, буран көтелә

Бүген, 17 гыйнварда, Татарстанда карлы һәм бик җилле һава торышы көтелә. Бу хакта ТР Гидрометеорология һәм әйләнә-тирә мохитне күзәтү идарәсе хәбәр итә.

Сабада көндез −7°...−6°, кич белән −9°...−8°, җил юнәлеше көньяк-көнбатыштан, 7,1 м/с тизлектә

Республикада көн болытлы булачак. Тәүлекнең якты вакытында төбәктә, Казанны да кертеп, кар ява. Буран чыгачак, кайбер урыннарда көчле буран көтелә.

Шуңа бәйле рәвештә, республикада кисәтү игълан ителде.

Көньяк-көнчыгыштан 15-20 метр тизлектә искән җил юнәлешен көньяк-көнбатышка үзгәртә. Шул ук вакытта, аның тизлеге урыны белән секундына 22 метрга, ә кайбер урыннарда, шул исәптән Татарстан башкаласында да, 25-27 метрга җитә. Юлларда бозлавык һәм кар көртләре барлыкка киләчәк, дип искәртә синоптиклар.

Республикада көндезге сәгатьләрдә һава температурасы -3..-8 градус, Казанда -3..-5 градус тәшкил итәчәк, дип хәбәр итә метеорологлар.

Тулырак: https://tatar-inform.tatar/news/tatarstanda-buran-kocle-il-ham-3-graduska-kadar-salkyn-buluy-kotela-5881868