Республика территориясендә чагыштырмача җылы һава торышы саклана.
Иртәгә, 15 октябрьдә, Татарстан территориясендә кабат көчле җил һәм томан көтелә. Бу хакта Татарстан Гидрометеорология һәм әйләнә-тирә мохитне күзәтү идарәсе кисәтә.
Томан республиканың аерым районнарында төнге һәм иртәнге сәгатьләрдә төшә. Моннан тыш, вакыт-вакыт яңгырлар да ява.
Төнлә дә, көндез дә көньяк-көнбатыштан (төньяк-көнбатышка борыла торган) исүче җилнең тизлеге секундына 16 метрга кадәр (Казанда көндез секундына 15 метрга кадәр) була.
Төнлә +3 градус җылы көтелә. Көндез һава +8, +13 градуска кадәр җылына. Татарстанның көньягында иң җылы һава торышы була.
Фото: Рамиль Гали/архив
Нет комментариев