Казанда төнлә кыйммәтле ике чит ил машинасы янды

Бу төндә Казанда кыйммәтле ике чит ил машинасы янган. Бу хакта «Татар-информ»га Татарстан буенча Россия Гадәттән тыш хәлләр министрлыгы Баш идарәсенең матбугат хезмәтендә сөйләделәр.

Бүген төнлә Казанның «Урман шәһәрчеге» торак комплексында берьюлы ике чит ил машинасы — «Мазда 6» һәм «Мерседес» янды. Янгын япон җиңел машинасын тулысынча юкка чыгарган. «Мерседес» автомобиленә нык зыян килгән - аның бамперы, багажнигы һәм арткы канатлары эреп төшкән.

«Янгын мәйданы 3,5 квадрат метрны тәшкил итте. Нәтиҗәдә, беркем дә зыян күрмәде», — диделәр Гадәттән тыш хәлләр министрлыгында.

Янгын транспорт чарасын урнаштыру һәм эксплуатацияләү кагыйдәләрен бозу аркасында чыккан.

Фото: очевидцы

Чыганак: tatar-inform.tatar

Без социаль челтәрләрдә: Телеграм, ВКонтакте, ТикТок, Ютуб, Одноклассники, Твиттер, Яндекс.Дзен