Түбән Камада ир-ат исерек күршеләрен коткару өчен ике тапкыр янгынга кергән

Түбән Камада ир-ат исерек күршеләрен коткару өчен ике тапкыр янгынга кергән. Бу хакта “Татар-информ”га Россия Гадәттән тыш хәлләр министрлыгының Татарстан буенча Баш идарәсенең матбугат хезмәтендә хәбәр иттеләр.

“Вахитов проспектында күп катлы торак йортның өченче катындагы фатирда янгын чыгуы турындагы хәбәр 20.44 сәгатьтә килгән”, - диелгән ведомство хәбәрендә.

62нче янгын сүндерү-коткару часте хезмәткәрләрен шул йортта яшәүчеләр каршы алган. Алар янгын сүндерүчеләргә шушы йортта яшәүче Дмитрий Никифоровның янгын чыккан фатирдан ир-ат белән хатын-кызны коткаруы турында хәбәр иткәннәр.

Коткаручы ир-ат фатирда ут сүнгәч уртак коридарга чыккан һәм төтен исен сизгән, күршеләренең фатир ишегеннән төтен чыгуын күргән. Ир-ат ишекне шакып караган, ачучы булмаган. Ул ишекне ватып фатирга кергән. Соңгы көченә ишеккә таба шуышучы хатын-кызны күреп алган һәм аны һавага алып чыккан. Аннан йортта зыян күрүченең исерек ире калуын белгән. Дмитрий янә янгын чорнап алган фатирга кергән һәм караватта йоклап яткан ир-атны урамга алып чыккан.

Зыян күрүчеләрне ашыгыч ярдәм табиблары караган.

Янгын сүндерүчеләр янгынны сүндергән. 3 кв.метр мәйданга зыян килгән. Янгын көнкүреш электр приборларын куллану кагыйдәләрен бозу аркасында чыккан дип фаразлана.

Фото: ГУ МЧС России по РТ

https://tatar-inform.tatar