Ярминкәләр гөрли

19 ноябрь көнне районыбыз җитештерүчеләре шәһәр халкына 1 миллион сумнан артык бәядәге продукция тәкъдим итте. Гадәттәгечә, ит, сөт продуктлары, бал, йомырка, ашлык, үрдәк ите, камыр ризыклары белән сату иттеләр. Сатучылар әйтүенчә, сыйфатлы һәм кулай бәядәге авыл хуҗалыгы продукцияләрен кулланучылар бик яратып ала. Ярминкәләрдә шулай ук, авыл җирлекләре халык үз йортларында җитештергән продукция һәм оек-бияләй кебек кирәк-яраклар белән дә сату итә.