Лаешның «Әкият» һәм Казанның «Эврика» балалар бакчалары тәрбиячеләре Саба районы тарихы белән таныштылар.
Саба туган якны өйрәнү музее Лаеш районының Столбище авылының «Әкият», Казан шәһәре Идел буе районының "Эврика" балалар бакчасы тәрбиячеләре өчен экскурсия оештырды. «Туган як тарихы һәм истәлекле урыннары» маршруты кысаларында узган очрашуда кунаклар районның үткәне, гореф-гадәтләре һәм күренекле шәхесләре белән таныштылар.
Тәрбиячеләр экспонатларны зур кызыксыну белән карадылар, чөнки нәкъ менә алар сабыйларда кече Ватанга карата мәхәббәт тәрбияли. Музей коллективы кунакларга җылы кабул иткәннәре өчен рәхмәт белдерә һәм барлык теләүчеләрне туган як тарихы белән танышырга чакыра.
Нет комментариев