Аграр көллият студентларының “Сәяхәт” драма түгәрәге Саба мәдәният йортында спек­такль күрсәтте [+фото]

Юныс Гыйниятуллин җи­тәк­челегендә оешкан бу түгәрәк әле бер ай гына эшләсә дә, спектакль тамашачылар кү­ңеленә үтеп керерлек һәм истә калырлык булды. Сәхнәгә тәүге адымнарын ясаган һәм спектакльне зур дулкынлану белән көткән яшь артистлар үзләре кебек үк егет-кызлар тормышындагы вакыйганы бик оста башкардылар. Бу лирик драмада бүгенге көндәге иң актуаль проблема - яшьләрнең рухи ныклыгы, тормышка карашлары, бер-берсенә булган мөнәсәбәтләре яктыртылган. Студентларның көллияттә алган тәрбияләре, җаваплылык, бирелгән эшне тиешле дәрәҗәдә башкару кебек сыйфатлары спектакль барышында ачык күренде. Һәр студент үзенә тапшырылган рольне тырышып, җиренә җиткереп башкарды. Сәх­нәдәге күренешләр тамашачыны көлдерде дә, елатты да, ә, иң мөһиме, уйланырга мәҗбүр итте.