Чыршыны бизәгәндә иллюминация өчен шәм, бенгаль утлары, фейерверклар кулланырга тыела.

Янгын куркынычсызлыгы таләпләрен төгәл үтәү генә бәйрәмнәрне оештыру һәм үткәрү чаралары вакытында имгәнүләр булдырмаска, Яңа елны имин каршыларга ярдәм итәчәк. Районыбыз территориясендә яңа ел бәйрәм чаралары купчелек мәктәпләрдә, балалар бакчаларында, мәдәният йортларында уткәрелә. Әлеге объектлар халык күпләп йөри һәм күпләр җыела торган учреждениеләр категориясенә керүен исәпкә алып янгын куркынычсызлыгын тәәмин итүче җаваплы кешеләргә мәдәни-массакүләм чаралар үткәргәндә (кичәләр, яңа ел чыршы бәйрәмнәре һ. б.) янгынга каршы саклану мәсьәләләрен тәэмин итүдә жаваплы карарга кирәк.

Мәдәни-массакүләм чаралар үткәргәндә янгын куркынычсызлыгын тәэмин итүдә җаваплылык оешма җитәкчеләренә йөкләнә. Яңа ел чаралары башланыр алдыннан оешма җитәкчесе барлык бүлмәләр, керу-чыгу юлларын җентекләп тикшерергә, янгын сүндерү чаралары, элемтә һәм янгын автоматикаларынын төзеклеген карарга тиеш. Барлык ачыкланган җитешсезлекләр мәдәни-массакүләм чаралар башланганчы бетерү шарт.

Яңа ел чаралары үткәрү вакытында сәхнәдә һәм башка булмәләрдә хезмәткәрләр арасыннан җаваплы затлар билгеләнгән, мәдәни-массакүләм чаралар вакытында балалар белән дежур укытучы, сыйныф җитәкчеләре яисә тәрбиячеләр булырга тиеш. Бу затлар янгын куркынычсызлыгы таләпләре, балаларны эвакуацияләү тәртибе белән кабат таныштырылган булырга тиеш.

Чыршыны бизәгәндә иллюминация өчен шәм, бенгаль утлары, фейерверклар кулланырга тыела. Әгәр, чыршыны яктырту жайланмалары төзек булмау ачыкланса, иллюминация сундерелә, төзексез урыны табылып, аны тәртипкә китермичә кабат кушылмый.

Бәйрәм чараларын үткәрү өчен кулланыла торган биналарда: чаралар үткәрү вакытында тәрәзәдәге тимер рәшәткәләрне бикле килеш тоту; дугалы прожекторлар, шәм, хлопушка һәм башка төсле янгын чыгарырга момкин булган жайланмалар куллану; чыгу юлларынын кинлеген өстәмә куелган урындыклар һәм башка мебельләр белән киметү; тамаша вакытында бүлмәдәге утларны сундерү; билгеле нормадан артык кеше кертү тыела.

Янгын чыга калса, беренче чиратта ярдәм сорап янгын сундеру булегенә хәбәр итү, бинада булган кешеләрне куркыныч булмаган эвакуация юлларынн янгын куркынычы янамый торган урыннарга чыгару шарт. Кул астында булган янгын сундеру жайланмалары белән, үзеңә зыян килми торган очракта, утны сундерә башларга һәм ярдәмгә килүче янгын сүндерү машиналарын каршы алуны оештырырга кирәк.

Айнур Галимуллин,

Саба һәм Теләче муниципаль районнары буенча янгыннар күзәтчелеге начальнигы