Фотобәйге җиңүчеләрен бүләкләдек [фоторепортаж]

Исегезгә төшерәбез, без saby-rt.ru сайтында, шулай ук газетаның №15 санында районыбызның мәдәният, сәнгать, спорт, авыл хуҗалыгы, журналистика, медицина өлкәләрендә хезмәт куйган танылган, хөрмәткә лаек ханымнарыбызның кечкенә чакта төшкән фотоларын тәкъдим иттек. Конкурс шартлары буенча, Сез әлеге ханымнарны танып, безгә дөрес җаваплар белән хат юлларга тиеш идегез. Әлеге бәйгедә җиңүче дип Сабадан Илсур Галиев танылган иде. Без исә спонсорларыбыз һәм үзебезнең исемнән җиңүчене котлап, бүләкләребзне тапшырдык. Әлеге күңелле мизгелләрне сез фоторепортаждан күрә аласыз.

Спонсорларыбызга килгәндә, ООО "Икмәк" җиңүчеләргә искиткеч тәмле, авызда эри торган торт, ә чәчәк бәйләмнәрен исә зәвыклы букетлар ясаучы, искитмәле итеп банкет залларын бизәүче Гөлүсә Мәүлетова бүләк итте! Спонсорларыбызга зур рәхмәт әйтәбез, сатып алучыларыгыз артсын, эшегездә уңышлар телибез!