2026 елның җәендә россиялеләр туры рейслар белән 32 илгә оча алачак

  Россия туристлары киләсе җәйдә чит илгә туры рейслар белән 32 илгә китә алачак. Бу кышкы сезон белән чагыштырганда күпкә  кимрәк. Россия Туроператорлары ассоциациясе хәбәр иткәнчә, 2025-2026 елларның кышында маршрут челтәре 43 илгә кадәр исәпләнелгән була. Ләкин җәйге юнәлешләрнең бер өлеше юкка чыккан. Сәбәпләре-сезонлылык, ягулык һәм сәяси факторлар, шулай ук Якын Көнчыгыштагы кризис аркасында чикләүләр кертелде.

   Мөмкин булган илләр исемлегенә Абхазия, Азербайдҗан, Әрмәнстан, Әфганстан, Белоруссия, Вьетнам, Гонконг, Грузия, Мисыр, Израиль, Һиндстан, Индонезия, Иордания, Иран, Казахстан, Катар, Кытай, КХДР, Кыргызстан, Мальдива, Марокко, Монголия, Берләшкән Гарәп Әмирлекләре, Оман, Согуд Гарәбстаны, Сербия, Таҗикстан кергән., Таиланд, Төрекмәнстан, Төркия, Үзбәкстан һәм Эфиопия кергән.

 Әмма АТОРДА бу илләрнең барысы да гади туристка кызыклы түгел дип ассызыклыйлар. Израиль, Иран, Катар, Берләшкән Гарәп Әмирлекләре, Оман һәм Согуд Гарәбстанына март аеннан пакет турларын сату тыела. Әфганстан һәм Гыйракка сәфәрләр элек тә популярлык казанмады. Нәтиҗәдә, массакүләм яки шартлы рәвештә массакүләм ял итү өчен туры рейслар белән иң яхшы очракта дистә ярым ил файдалана ала.

Чыганак: https://www.evening-kazan.ru/obshhestvo/news/letom-2026-goda-rossiyane-smogut-uletet-pryamymi-reysami-v-32-strany

Фото: Ясалма фәһем