Ата-ана 9 яшьлек кызларын машина бәрдереп китүне күргән шаһитларны эзли

Авиатөзелеш районында билгесез зат светофорның яшел төсенә юл аша чыгып баручы 9 яшьлек кызны бәрдергән, дип хәбәр итте "Татар-информ" мәгълүмат агентлыгына баланың әтисе.

Зыян күргән кызның туганнары сүзләренчә, һәлакәттән соң машина йөртүче качып киткән.

Юл-транспорт һәлакәте Авиатөзелеш районында Лукин һәм Академик Павлов урамнары чатында сәгать 9да булган. Зыян күргән кыз эч һәм баш җәрәхәтләре белән хастаханәгә озатылган.

Баланың ата-анасы юл-транспорт һәлакәте шаһиты булучыларны 8 (917) 243-56-43 телефоны аша элемтәгә чыгуларын сорый.

http://tatar-inform.tatar/