Эштә еш тәмәке тарткан өчен штраф салырга мөмкиннәр - юрист
Эш бирүче хезмәткәргә, әгәр бу хезмәт килешүендә күрсәтелгән булса, еш тәмәке тарткан өчен штраф салырга хокуклы. Бу хакта «Татар-информ»га юридик фәннәр докторы, Россиянең атказанган юристы Иван Соловьев сөйләде.
«Хезмәт өлкәсендәге аналитиклар күптән инде тәмәке тартучы кешеләрнең тәмәке тартмаучыларга караганда 10 минутка озаграк ял итүен ачыклады. Моның сәбәбе – аларның еш тәмәке тартулары. Нәтиҗәдә елына якынча 5-10 көн килеп чыга. Һәм эш бирүчеләр мондый хезмәткәрләрнең җитештерүчәнлеге турында уйлана», - дип билгеләде Соловьев.
Аның сүзләренчә, күп кенә компанияләр бу мәсьәләләрне локаль норматив актлар ярдәмендә җайга салырга тырыша, чөнки хезмәт кодексында моның өчен җәза юк.
«Шуңа күрә моның конкрет оешманың хезмәт килешүендә ничек чагылыш тапканын карарга кирәк. Кагыйдә буларак, хезмәт куркынычсызлыгы, хезмәткәрләр сәламәтлеге һәм башкаларга зур игътибар бирә торган җитди оешмалар тәмәке тарту мәсьәләләрен дә чагылдыра», – дип белдерде юрист.
Аның сүзләренчә, проблеманы хәл итү өчен компанияләр йә тәмәке тарту санын чиклиләр, йә хезмәткәр алдына тәмәке тартуга сарыф иткән вакытны компенсацияләү мәсьәләсен куялар. Әгәр дә кеше мондый таләпләрне үтәүдән баш тарта икән, мондый тәртип хезмәт дисциплинасын бозу буларак каралырга мөмкин.
Кызыклы яңалыкларны күзәтеп бару өчен Телеграм-каналга язылыгыз
Тулырак: https://tatar-inform.tatar/news/esta-es-tamake-tartkan-ocen-straf-salyrga-momkinnar-yurist-5917492
Следите за самым важным и интересным в Telegram-каналеТатмедиа
Читайте новости Татарстана в национальном мессенджере MАХ: https://max.ru/tatmedia
Нет комментариев