Казанда 52 яшьлек ханымның 210 мең сум акчасын урлаганнар

(Казан, 7 ноябрь, «Татар-информ»). Казанда 52 яшьлек ханымның 210 мең сум акчасын урлаганнар. Хатын-кыз Интернет сайтларның берсендә чит ил машинасы алырга булган. Бу хакта Татарстан Эчке эшләр министрлыгы матбугат хезмәте хәбәр итә.

Бөгелмә районы полиция бүлегендә караклык буенча гариза карала. Гариза язучы Интернет сайтларның берсендә Бөгелмәдә яшәүченең "Мазда" машинасын сату игъланын күреп, шул машинаны алырга теләвен белдерде. Сатучы белән сөйләшкәч, "Мазда" хуҗасы хатын-кызга 210 мең сум акча күчерергә кушкан. Акча күчергәч, карак югалган.

Полиция хезмәткәрләре тарафыннан шалтырату Туладан булуы ачыкланган.

http://tatar-inform.tatar