Казанның муниципаль парковкалары Яңа ел бәйрәмнәрендә бушлай эшләячәк

Казанның муниципаль парковкалары Яңа ел бәйрәмнәрендә (1 һәм 3-8 гыйнвар) бушлай эшләячәк. Бу хакта Татарстан башкаласы мэриясенең матбугат хезмәте хәбәр итә.

Түләү алынмаячак башка даталар да билгеле булды. Алар – 23 февраль, 7 һәм 8 март, 2, 3, 9 һәм 10 май, 13 июнь, 30 август, 4 ноябрь. Парковкалар 2022 елда Ураза һәм Корбан бәйрәмнәре башланган көннәрдә дә бушлай эшләячәк. Бәйрәм даталары ТР Президенты указы белән билгеләнәчәк. 

Фото: архив/Татар-информ

Чыганак: tatar-inform.tatar

Без социаль челтәрләрдә: Телеграм, ВКонтакте, ТикТок, Ютуб, Одноклассники, Твиттер, Яндекс.Дзен