Кукмара районында аюны бәрдергәннәр

Бүген төнлә Татарстанның Кукмара районында җиңел автомобиль аюны бәрдергән. Бу хакта «Татар-информ» агентлыгына авариянең шаһитлары хәбәр итте.

Юл һәлакәте Ош-Юмья авылы янында булган. Биредә «Лада Калина» автомобиленең йөртүчесе аюны таптаткан, алган җәрәхәтләрдән җәнлек шунда ук үлгән.

Шаһитлар әйтүенчә, автомобильгә сизелерлек зыян килсә дә, машина йөртүче имгәнмәгән.

Тулырак: https://tatar-inform.tatar/news/tatarstan-yulynda-lada-kalina-avtomobile-ayuny-bardergan-5876968