Кулланучы һәрвакыт хаклымы?
Ел саен 15 мартта халыкара җәмәгатьчелек Бөтендөнья кулланучылар хокукларын яклау көнен билгеләп үтә. Халыкара кулланучылар оешмалары федерациясе әлеге көннең темасын билгели. Быел кулланучылар хокукларын яклау көне “Экологик чиста энергия һәм продукция куллануга күчү ярдәмендә кулланучыларның хокукларын һәм мөмкинлекләрен киңәйтү” девизы белән үткәрелә.
2022 елда районыбызда сыйфатсыз товардан, хезмәт күрсәтүдән зыян күргән 122 кеше хокукларын яклау органына мөрәҗәгать иткән. Гаризаларның күпчелеге товарның, аерым алганда көнкүреш техникасының, мебельнең сыйфаты начар булуга мөнәсәбәтле язылган. Килгән мөрәҗәгатьләр барысы да кулланучылар файдасына уңай хәл ителгән. Дәүләт алкоголь инспекциясенең Сабадагы контроль-инспекция бүлеге Арча территориаль органы белгечләре белән берлектә кулланучылар өчен үткәрелгән чаралар үз хокукларыңны яклау, низагны законлы нигездә хәл кылу юлларын эзләү, тормышта килеп туган конкрет хәлләрдә үзеңне дөрес итеп тоту, кулланучылар хокукларын яклау ысулларына өйрәтүне үз эченә ала.
Следите за самым важным и интересным в Telegram-каналеТатмедиа
Нет комментариев