Метеорологлар кисәтә: җәйге тәгәрмәчләргә күчәргә ашыкмагыз
Машина йөртүчеләргә автомобильнең кышкы тәгәрмәчләрен җәйгегә алмаштырырга әлегә иртә, чөнки мартның соңгы көннәрендә төнлә һава температурасы төшүе көтелә. Моннан тыш, шулай ук явым-төшем фаразлана. Бу хакта «Известия» яза.
«Кышкы тәгәрмәчләрне җәйгегә алмаштыру турында сөйләргә иртә әле. Чөнки 30 һәм 31 мартта яңгыр һәм җепшек кар фаразлана. Төнлә һава температурасы 0дән түбән булачак», - дип белдерә Метеобюроның баш белгече Татьяна Позднякова.
20 мартта «Фобос» һава торышы үзәгенең әйдәп баручы белгече Евгений Тишковец Мәскәү төбәгендә яшәүчеләрне март ахырында салкыннар көтә, дип кисәтте. Нәтиҗәдә, аның сүзләренчә, Мәскәүгә яз тиз генә килмәячәк.
Моңа кадәр, 16 гыйнварда, автоэксперт, «Известия» күзәтүчесе Роман Солдатов билгеләп үткәнчә, автомобиль төзек булмаган очракта штраф салуның яңа исемлеге чыкты һәм күпсанлы гаделсез карарлардан качу өчен тест уздырырга кирәк. Яңартылган исемлек 1 сентябрьдә үз көченә керергә мөмкин.
Документның бер пункты, аерым алганда, кышкы чорда җәйге резинадан, шулай ук җәйге чорда кышкы тәгәрмәчләрне файдаланган өчен штраф салуга кагыла.
Бу хакта тулырак: https://tatar-inform.tatar/news/meteorolog-masina-iortucelarne-aige-tagarmaclarga-kucarga-asykmaska-ondade-5868776
Следите за самым важным и интересным в Telegram-каналеТатмедиа
Нет комментариев