Россиялеләргә автомобильләрдә компактлы билгеләр кулланырга рөхсәт иттеләр

Япон машиналары һәм мотоциклчыларына яңа форматтагы компактлы номерларны кулланырга рөхсәт иттеләр. Шул турыда Эчке эшләр министрлыгына сылтама белән «Коммерсант» газетасы яза, дип хәбәр итә РИА Новости.

Эчке эшләр министрлыгы вәкиле Ирина Волк сүзләренә караганда, кечерәйтелгән номерлар тыелмаган, әмма аларны гади теркәү билгеләре өчен яраклаштырылмаган машиналарда гына урнаштырырга мөмкин.

Моннан тыш, басма автомобиль һәм мотоцикл хуҗаларына номерга махсус таныклыклары булган шәхси фирмаларда заказ бирергә туры киләчәк, дип искәртә.

Шулай ук, челтәрдәге мәгълүматлардан чыгып хәбәр ителгәнчә, хәзер автомобильләргә куелучы кечерәйтелгән билгеләргә уртача бәя якынча 1,5-2 мең сум тәшкил итә.

Эчке эшләр министрлыгы вәкиле сүзләренә караганда, ЮХИДИ яңа номерларны киләсе елның 4 августына кадәр тапшырмаячак. Ул вакытта стандарт рәсми рәвештә үз көченә керәчәк.

Фото:

tatar-inform.tatar