Сабадан 24 автомобиль йөртүче “Опасный водитель” исемлегендә

Яңа 2016 елның бер атнасы да үтәргә өлгермәде, ЮХИДИнең район бүлекчәсе хезмәткәрләре юлларда 5 исерек йөртүчене тоткарладылар инде. 2015 елда аларның саны 120дән артып киткән иде. Шулар арасыннан 24 йөртүче ЮХИДИнең республика идарәсе сайтында бирелеп барылучы "Опасный водитель" исемлегенә керде. Шуларның иң яше - "Ф" 2001 елгы булса, иң өлкәне "Р" 35 яшьтә. "Куркыныч йөртүчеләр" арасында бертуганнар - 1980 елгы "Ф" белән 1988 елгы "Ф" да бар. Куркыныч йөртүчеләрнең икесенә - "И" белән "Р"га праваларын әле 2018 елның җәй айларында гына бирәчәкләр.