Су счетчиклары куелмаган фатир хуҗалары салкын су өчен ике тапкыр күбрәк түлиячәкләр

 Татарстанның торак инспекциясе ремонтларга, үзгәртергә, тикшерергә яки исәпләү приборын куярга теләмәүчеләргә түбәндәгеләрне җиткерә: су өчен 2 мәртәбә артыграк түләргә туры киләчәк. Счетчиклар булмау өчен финанс җаваплылыгын икеләтә арттыручы төзәтмәләр үз көченә керде. 
РФ Хөкүмәтенең 25.11.2025 № 1871 карары коммуналь хезмәтләр күрсәтү кагыйдәләрен үзгәртте, индивидуаль счетчиклар куелмаган биналарны салкын су белән тәэмин итү өчен түләүне исәпләү коэффициенты 1,5 урынына 3 тәшкил итә. Бу шуның белән аңлатыла: болай фатирларның хуҗалары суга, счетчиклары булганнарга караганда, өч тапкыр күбрәк түләргә мәҗбүр булачак.

Казанда ванналы һәм газ колонкалы фатир хуҗалары бер кубометр салкын су өчен 464,5 сум урынына 928,9 сум түләячәк. Душ белән җиһазландырылган 1500-1700 мм озынлыктагы ванналы йортларда тариф бер кешегә 348,9 сумнан 698,7 сумга кадәр артачак.

Үзәкләштерелгән кайнар су белән тәэмин итү системасы һәм төзекләндерүгә таләпләр югары булган 12 каттан югарырак күпкатлы йортларда яңа тариф бер кешегә 765,2 сум тәшкил итәчәк (элек 382,6 сум). Шул ук вакытта әгәр фатирда биш кеше теркәлгән булса, сумма пропорциональ рәвештә арта.

Счетчик урнаштыру техник яктан мөмкин булмаган торак хуҗаларына югары коэффициент кагылмый. Торак инспекциясе өчләтә түләүләрне булдырмас өчен исәпләү приборын урнаштырырга кирәклеген искәртә.

Татарстан торак инспекциясе матбугат хезмәте