Югары Симет авыл җирлеге үзешчәннәре Тимершык тамашачысына «Баш куям тезләреңә» (Айгөл Әхмәтгалиева пьесасы буенча) спектаклен тәкъдим итте.
Вакыйгалар 2000 еллар башында әкренләп бушап калган татар авылында бара. Сюжет үзәгендә-авыл рәисе машина йөртүчесенең юл һәлакәтенә юлыгуы белән бәйле фаҗига. Һәлакәттә геройларның берсе гаепле булып чыга, һәм бу танылу барысы өчен дә тетрәнү китерә. Спектакльдә түбәндәге темалар ачыла: авыр шартлар фонында саф мәхәббәтнең барлыкка килүе; гаеп хисе һәм вөҗдан газабы; эчкечелек проблемасы; кылган гамәлләрең өчен җавап бирү; буыннар бәрелеше һәм традицияләрне саклау.
Тамашачылар спектакльне бик җылы кабул итте, ахырдан артистларны көчле алкышларга күмделәр.
Нет комментариев