Татарстанда шәхси ярдәмче хуҗалыкларга дәүләт ярдәме 718 миллион сумга кадәр артачак
Татарстанда шәхси ярдәмче хуҗалыкларга дәүләт ярдәме быел 718 млн сумга кадәр артачак. Бу хакта «Татар-информ»га Татарстан Республикасы Авыл хуҗалыгы һәм азык-төлек министрлыгы матбугат хезмәтендә хәбәр иттеләр.
«Федераль катнашы булган фермерларга һәм кооперативларга дәүләт ярдәме алымнары үзгәрә, кайбер программалар төгәлләнә, әмма яңа юнәлешләр кертелә», - дип сөйләделәр ведомствода.
Шулай итеп, барлык фермерларга грантлар бер елдан артык эшчәнлек алып бару шарты белән биреләчәк. Грант күләме, проектны гамәлгә ашыруга юнәлдерелгән үз акчаларының күләменә карап, 5 млн сумнан 30 млн сумга кадәр тәшкил итәчәк.
«Мәсәлән, 10 процент күләмендә үз акчаларыңны керткәндә грант 5 млн сумга кадәр тәшкил итәчәк, 20 процент булганда – 8 млн сум, 30 процент булганда – 15 млн сум, 40 процент булганда – 30 млн сумга кадәр», – дип аңлаттылар матбугат хезмәтендә.
Моннан тыш, махсус хәрби операциядә катнашучыларга үз агробизнесын ачуга грант ярдәме каралган. Грант күләме - 7 млн сумга кадәр.
Кызыклы яңалыкларны күзәтеп бару өчен Телеграм-каналга язылыгыз
Тулырак: https://tatar-inform.tatar/news/tatarstanda-saxsi-yardamce-xualyklarga-daulat-yardame-718-million-sumga-kadar-artacak-5917087
Следите за самым важным и интересным в Telegram-каналеТатмедиа
Читайте новости Татарстана в национальном мессенджере MАХ: https://max.ru/tatmedia
Нет комментариев