Татарстанда узган тәүлек эчендә коронавирусның 83 яңа очрагы ачыкланган

Татарстан табиблары тәүлек эчендә республикада коронавирус инфекциясе белән зарарланган 83 яңа очракны ачыклаган. Элеккечә үк, статистика буенча Казан алда бара. Бу хакта «Татар-информ»га ТР Президенты матбугат хезмәте җитәкчесе Лилия Галимова хәбәр итте.

«11 кеше хастаханәгә урнаштырылды, 72 кеше өйдә дәвалана, аларда авыруның җиңел яки симптомсыз формасы күзәтелә», — диде Галимова.

Ачыкланган авыруларның икесе генә чирне Татарстаннан читтә йоктырган, калганнарының республикада авырулар белән элемтәдән соң Covid-19 белән авырганлыгы ачыкланган.

Инфекция йоктыручыларның күбесе Казанда — алар 42 кеше. Шулай ук Чаллыда 11 кеше. Өченче урында Арча районы тора – биредә 6 авыру ачыкланган.

Лаеш районында 5 кеше, Биектау районында 4 кеше авыруы ачкланган. Әтнә, Буа һәм Кукмара районнарында икешәр очрак теркәлгән. Шулай ук Татарстанның башка районнарында да берәр очрак бар.

Шулай итеп Татарстанда Covid-19 авыруы 1498 кешедә расланган. 367 кеше стационарда дәвалана, шуларның алтысы үпкәләрне ясалма җилләтү (ИВЛ) аппаратларына тоташтырылган. Барлыгы 296 пациент терелгән, шул исәптән 44 кеше узган тәүлектә сәламәтләнгән.

Татарстанда пациентның коронавирус инфекциясеннән үлүенең бишенче очрагы расланды. Бу хакта «Татар-информ»га ТР Президенты матбугат хезмәте җитәкчесе Лилия Галимова хәбәр итте.

Ул 1938 елда туган һәм Түбән Кама районында яшәүче кеше булган. «Бу кеше 1 майда ютәлгә, хәлсезлеккә һәм югары температура булуга зарланган һәм аны хастаханәгә салганнар», - диде Галимова.

Өлкән яшьтәге ир-ат Түбән Кама хастаханәсенең йогышлы авырулар бүлегендә дәвалана. Анда ике яклы полисегментар пневмония һәм көчле респиратор дистресс-синдромы катлаулана, яңа коронавирус инфекциясенең авыр формасы була.

4 майдан башлап пациент үпкәләрне ясалма җилләтү (ИВЛ) аппаратына тоташтырылган. Аңарда үпкәләренең хроник обструктив авыруы һәм шикәр диабеты булган.

Узган тәүлектә Татарстанда Covid-19ның 83 яңа очрагы ачыкланган, 44 кеше сәламәтләнгән һәм хастаханәдән чыккан. 

Фото: Владимир Васильев

Чыганак: tatar-inform.tatar