Татарстанның халык артисты Ирек Баһманов вафат

автор, 23 ноябрь 2015 - 08:04

1675

Кайгылы хәбәр килеп иреште. Бүген иртән Камал театры актеры, Татарстанның халык артисты Ирек Баһманов үлгән. Мәрһүм белән хушлашу 24 ноябрь көнне 10:00дә Камал театры бинасында узачак. Соңгы вакыт Ирек абый авырды. "Галиябану" спектакленә килгән тамашачылар аны коляскада күрде. Артистны иртәгә яңа татар бистәсе зиратында күмәчәкләр. Авыр туфрагы җиңел булсын. Иннә...

Татарстанның халык артисты Ирек Баһманов вафат

Соңгы вакыт Ирек абый авырды. "Галиябану" спектакленә килгән тамашачылар аны коляскада күрде.

Артистны иртәгә яңа татар бистәсе зиратында күмәчәкләр.

Авыр туфрагы җиңел булсын. Иннә лилләһи вә иннә иләйһи раҗигун.

Якыннары, туганнары, иҗатташларының тирән кайгысын уртаклашабыз...

Белешмә:

Ирек Баһманов 1932 елның 6 гыйнварында Татарстанның Әлмәт шәһәрендә туа. 1951-1954 елларда - Төньяк флотта диңгезче, 1961 елда В.Качалов исемендәге Зур драма театры каршындагы студияне тәмамлый һәм Республика күчмә театрында эшли башлый. 1964 елдан - Татар академия театрында, дип яза театрның сайты.

Рольләре:

Фәйзулла - «Яшь йөрәкләр» Ф.Бурнаш

Әлибәк, Җантай - «Гүзәлем Әсәл»

Гатбаев - «Ахырзаман» Ч.Айтматов

Каюм - «Шамил Усманов» А.Гыйләҗев, А.Яхин

Мишка - «Зәңгәр шәл» К.Тинчурин

Мөәзин - «Казан сөлгесе» К.Тинчурин

Новожилов - «Бер төн» Б.Горбатов

Инсаф - «Әни килде» Ш.Хөсәенов

Рисположенский - «Агай-эне ак мыек» А.Островский

Хименес - «Канлы күләгәләр» Г.Боровик

Мостаев - «Канкай углы Бәхтияр» Т.Миңнуллин