Дәүләт хезмәткәрләрен iPhone кулланудан тыярга мөмкиннәр?

  «Ни өчен «iPhone»нан баш тартулары аңлашыла. Һәрхәлдә, аларны хезмәт максатларында кулланырга ярамый, чөнки безнең партнерларыбыз инде бөтен дөньяны тыңлый. Бу инде күптән расланган, беркем дә мондый мөмкинлек барлыгын инкарь итми. Дәүләт һәм шәхси куркынычсызлык ягыннан, әлбәттә, бу инде билгеле бер куркыныч тудыра», – дип яза ТАСС аның сүзләрен.

Элегрәк «Ростех», Сәнәгать һәм сәүдә министрлыгы һәм Россия Федерациясенең Цифрлы үсеш, элемтә һәм массакүләм коммуникацияләр министрлыгы үз хезмәткәрләренә эш вакытында айфоннар куллануны тыйган иде. Мондый чаралар турында июнь аенда актив рәвештә фикер алыша башладылар, чөнки ФСБ һәм ФСО Америка махсус хезмәтләренең Apple җайланмаларын кулланып разведка операциясе үткәрүен теркәгән.

Россия Президенты матбугат сәркатибе Дмитрий Песков Дәүләт Думасында депутатларның айфоннар кулланмавын, ә аларның күбесе көндәлек тормышта да Android смартфоннарына өстенлек бирүен әйткән иде.

Тулырак: https://tatar-inform.tatar/news/valentina-matvienko-daulat-xezmatkarlaren-iphone-kullanudan-bas-tartyrga-cakyrdy-5874141