Яңа елдан – яңа бүләк

автор, 10 гыйнвар 2020 - 08:45

1199

Татарстан Министрлар кабинеты карары нигезендә 2020 елның 1 гыйнварыннан “Яңа туган сабыйга – бүләк” (“Подарок новорожденному”) акциясе старт ала. Акция нигезендә, республикада яшәүче, уртача кереме яшәү минимумыннан ким булган гаиләдә туган сабыйларга бүләк тапшырылачак. “Бүләк – универсал комбинезон-трансформер, яңа туган сабыйга мендәрчек, сарык йоныннан эшләнгән юрган һәм подгузникларны үз эченә ала. Татарстанда эшләнгән товарлардан торган бүләк җыелмасы ананы хастаханәдән чыгарганда биреләчәк.