Зәйнәп һәм Илдус Гәрәевлар: «Эштәге проблемаларны өйгә алып кайтмаска тырышабыз»
Парлап, ягъни ирле-хатынлы эшләүнең нинди уңай яисә тискәре яклары бар? Бу хакта бергә хезмәт куючы парлардан кызыксындык.
Зәйнәп һәм Илдус Гәрәевлар:
–Гаилә корганда икебез дә бер оешмада эшләрбез, гомер елларын гына түгел, хезмәт юлларын да бергә уздырырбыз дигән уй юк иде. Язмыш безгә шундый бәхет бүләк итте: 1989 елдан бирле бергәләп “Татавтодор” акционерлык җәмгыятенең Саба филиалында беребез баш инженер, икенчебез бухгалтер булып хезмәт куябыз. Уңай яклары санап бетергесез: иң беренчесе, бер-береңнең кадерен күбрәк беләсең, икенче яртыңның хезмәтенең никадәр җаваплылыгын аңлыйсың. Гомумән алганда, эштәге проблемаларны өйгә алып кайтмаска тырышабыз, ә киңәшләшеп алган очраклар бар. Җәйге сезонда көн дәвамында күрешми торган көннәр дә була. Чөнки эш сәгатьләребез дә төрлечә. Бергә эшләүнең без бер вакытта да минусларын күрмәдек.
Фәридә Вилданова сораштырды.
Следите за самым важным и интересным в Telegram-каналеТатмедиа
Нет комментариев