Зөлфәт Зиннуров инде ике ел хатынының иске тунын сата алмый (видео)

Яңа ел алдыннан гына танылган шоумен, якташыбыз Зөлфәт Зиннуров инстаграмга хатынының тунын сату турында игълан куйды. Бу аның аккаунтына язылучылар арасында зур кызыксыну уятты. «Туны шәп аның, алыгыз, зинһар, мунчага диван, телвизор аласы бар)- дип яза үзе Зөлфәт. Зөлфәт өчен борчылучылар да, аны битәрләүчеләр дә бар. Баксаң, ул бу кара лама тиресеннән тегелгән тунны инде ике ел сата алмый икән. Кызыклы комментарий язучылар белән бергә «минекен дә сатып бирегезче» дип ялынучылар да, «авитога куй, җәфаланма» дип киңәш бирүчеләр дә «миңа үлчәме туры килсә, 70 меңгә бирсәгез, алам»,- дип үтенүчеләр дә бар. «Мин дә 125кә алдым яхшы тун, хәзер дә суыкта попутка көтеп торганда, эх, тун алганчы берәр девятка или четверка алган булсам, өйгә ыжгыртып кайтып җитәр идем»- дип зар елый берсе. Кыскасы, тун әлегә хаман да иясен таба алмый. «Сата сата кызың үсеп җитә инде, лучше бирнәгә калдыр» дип чын күңелдән киңәш бирә өченчесе.

Хатын шушы тунын 1-2 тапкыр кигәндер инде. Хәзер бераз тазарды һәм ябыгырга җыенмый)) 42-44 размер, кара лама тиресеннән. 110 меңгә алган идек ( әйе, беләм, җүләр)))). Туны шәп аның! Алыгыз зинһар, мунчага диван, телевизор аласы бар.) p.s. бу видеоны төшергәндә берәүгә дә зыян килмәде) #тун #шуба #чернаялама

Видео опубликовано Зульфат Зиннуров (@zulfat_zinnurov) Дек 29 2016 в 7:50 PST