Әдәби калейдоскоп үткәрелде

   Абдулла Алиш шигырьләр, очерклар, хикәяләр, пьесалар яза, әмма ул татар әдәбияты хәзинәсенә кергән әкиятләре белән аеруча билгеле. Китапханәче башта балаларны язучының гади булмаган биографиясе белән таныштырды, аның иҗаты, Бөек Ватан сугышы елларындагы батырларлыгы турында сөйләде. Аннары балалар “Сөйләшә торган үрдәк” викторинасында, “Әкият геройлары парады”, “Кайсы  әкиятләргә нинди табышмаклар  туры килә” конкурсларында катнаштылар. Чарага «Алиш  әкиятләре-энҗе бөртекләре» дигән китап күргәзмәсе куелды. Балаларны  кызыксындырган барлык китапларны өйгә алып  укырга мөмкин иде.