“Бездән ИП ясамаслармы?”

Фәнил Мәүлетов, 11 декабрь 2019 - 08:05

1150

Татарстанда Мәскәү шәһәре, Мәскәү һәм Калуга өлкәләре белән берлектә сынау рәвешендә 1 гыйнвардан үзмәшгульләргә, ягъни хезмәт килешүләре буенча яллы эшче җәлеп итмичә генә үз эшчәнлекләреннән керем алган физик затларга карата кертелгән салым түләттерү экспериментының беренче елы төгәлләнеп килә.

Әлеге пилот проекты чәчтарашка, няняга, техника белән хезмәт күрсәтүчегә, тортлар пешереп сатучыга, репетитор укытучыга, бәйрәмнәрне фотога төшерүчегә, арендага торак бирүчегә һәм башкаларга керемнән ай саен 4 процент салым түләүне йөкләде. Районда аларның саны күпмедер – менә шулар арасыннан салым түләүче булып рәсми теркәлүчеләр 1 декабрьгә 522гә җиткән. Бу санны узган җомгада район башлыгы Рәис Миңнеханов үзмәшгуль гражданнар белән авыл-шәһәр җирлекләре башлыклары катнашында үткәргән киңәшмәдә районара салым инспекциясе начальнигы Айрат Шәфыйков җиткерде. Шуларның 84е – 18 яше тулмаган кешеләр. Бу нигездә җәйге каникулда 14 яше тулгач вакытлыча хезмәткә урнашып акча эшли башлаган яшүсмерләрнең дә үзмәшгуль булып теркәлүе турында сөйли. Ноябрь аенда 60 кеше учетка баскан. Айрат Шәфыйков аңлатканча, һөнәри керемгә салым түләүнең уңай яклары бар: НДФЛ, НДС, иминият кертемнәре түлисе, декларация тапшырасы юк. Керемең булмаса, салымны түләмисең. Касса аппараты да аласы юк. Махсус режимга күчәргә хезмәт килешүе нигезендә башкарыла торган эшең дә комачау итми. Шуңа күрә 22 шәхси эшмәкәр учеттан төшеп, үзмәшгуль булып теркәлгән. Һөнәри керемгә салым түләүдән 1 декабрьгә бюджетка 499110 сум акча кергән. Төп сумма (310 мең) 11 салым түләүчегә туры килә. Шул ук вакытта 63 үзмәшгульнең түләп бетерәсе 65,263 мең сум әҗәте калган. “Вакытында түләмәгән өчен штраф каралган. Экспериментның беренче елында без аңа бармадык. Әмма 2020 елдан штраф санкцияләре кулланылачак. Физик затларга салым җаваплылыгы 16 яшьтән билгеләнгән”,– диде Айрат Шәфыйков...