«Иҗади алан» слаймы уенчыклары

2023 елның 4 гыйнварында, яңа ел каникуллары вакытында, Шәмәрдән балалар китапханәсендә "Иҗади алан" дигән слайм (антистресс уенчык) ясау буенча мастер-класс оештырылды. Слайм эффектлы антистресс, ул бармакларның вак моторикасын үстерергә, сөйләм һәм кулдан язуны үстерергә ярдәм итә, агрессияне һәм ачуны җиңеләйтә, иҗади фикерләүне үстерә, кулларның мускулларын ныгыта һәм уңай эмоциональ фон тудыра.

Мастер-классны аниматор Ләйсән Галиәкбәрова үткәрде. Мастер-класс барышында балалар бер-берсе белән коллектив эштә аралашырга өйрәнделәр, иптәшләренә ярдәм иттеләр, шулай ук үз идеяләре һәм фикерләре белән уртаклаштылар. Слаймлар төрле дизайн стильләрен кулланып төсле һәм кызыклы булып чыкты. Барлык катнашучылар да канәгать калдылар һәм яхшы кәеф алдылар.

Чарадан соң барлык балалар да яңа китаплар белән таныштылар һәм өйдә уку өчен китаплар алдылар.

Резедә Галиәкбәрова.