“Иминлек каешы” гамәлияте бара: ременьне эләктереп йөрегез

Бүген Сабаның Муса Җәлил урамында 09:30 сәгатьтән 11:30 сәгатькә кадәр үткәрелгән “Тоннель" операциясе дә шушы таләпне үтәмәүчеләрне ачыклауга багышланды. Чара барышында барысы 75 автомобиль туктатылып 6 йөртүчегә иминлек каешын эләктермәгән өчен административ беркетмә төзелде. Тагын ике йөртүче укылмый торган дәүләт номер билгесе белән йөргәне ачыкланды. Билгеле булганча, тиешле срокта түләнмәгән штрафы булган очракта һәр транспорт чарасы хуҗасының Административ хокук бозулар турындагы кодексның 20.25 статьясы нигезендә җаваплылыкка тартыла. Ягъни штрафны икеләтелгән күләмдә түли яисә 15 тәүлеккә арест кулланыла. Тикшерү барышында штраф түләүдән читләшеп йөрүчеләр ачыкланмады.