Юлбат авыл җирлегендә җыен: халык спорт һәм балалар мәйданчыгы булдыруны сорап мөрәҗәгать итте
Юлбат авыл җирлеге Юлбат, Тенеки, Йосыф-Алан, Калатауны берләштереп, алардагы 302 хуҗалыкта 763 кеше яши.
2022 елда җирлектә 9 бала дөньяга килгән, 9 кеше вафат булган. Дүрт яңа гаилә төзелгән, 1 пар аерылышкан. Авыл җирлегенең гомуми кереме 4,886547 миллион сум тәшкил иткән. 2022 елда 107100 сум милек, 449600 сум җир салымы тупланган.
2022 елда халыктан 230900 сум күләмендә үзара салым тупланып, республика бюджетыннан субсидия булып кайтканнан соң тәшкил иткән 1154500 сум Юлбат авылының Мәктәп урамына һәм Тенеки, Йосыф-Алан авылларының зиратка бара торган юлына таш юл җәюгә тотылган. Җыенда гражданнар Юлбат авылына спорт һәм балалар мәйданчыгы булдыруны сорап мөрәҗәгать иттеләр.
Следите за самым важным и интересным в Telegram-каналеТатмедиа
Нет комментариев