Юлбатта хатын-кызлар чәй өстәле артында гаиләдәге гореф-гадәтләр турында сөйләштеләр

  Юлбат мәдәният йорты һәм китапханә хезмәткәрләре махсус хәрби операциядә катнашучыларның туганнары, волонтерлар һәм «Ак калфак», «Зөбәрҗәт» клуб берләшмәләре әгъзалары белән «Гаилә гореф-гадәтләре» дип исемләнгән түгәрәк өстәл артында очрашу үткәрделәр. Авыл җирлеге башлыгы Талип Шәмсиев катнашучы хатын-кызларны иң элек беренче Яз бәйрәме белән котлады. Бәйрәмне кызыклы конкурслар, викториналар, музыкаль чыгышлар бизәде. Чараны китапханәче Нәсфия Хәмитова шигъри юллар белән үреп алып барды. Кичә чәй табыны артында күңелле аралашу белән тәмамланды.