Көрәшчеләребез Бөтенроссия турнирында уңышлы чыгыш ясады

Бүген Зәйдә Ринат Фәрдиев истәлегенә уздырылучы Бөтенроссия көрәш турниры тәмамланды. Ярышта республиканың 18 районыннан һәм Россиянең биш төбәгеннән 250  көрәшче катнашты. Саба  районы яшүсмерләр һәм ир-атлар командалары да турнирда  уңышлы  чыгыш  ясадылар  һәм призерлар булдылар. Зурлар арасында Ильяс Хуҗиәхмәтов (Олыяз) 100  килограммга  кадәрге  үлчәүдә 3нче  урынны   алды. Балалар арасында үз  үлчәү категорияләрендә Тимерхан Әхмәтов (50 кг.) -2нче, Риназ Гарипов (50 кг., Иләбәр) Инсаф Әхмәдуллин (65 кг., Югары Симет) 3нче  призер булдылар. Тренерлары Данис Закиров, Илдар Ермолаев, Делюс Закиров. Шулай итеп, көрәшчеләребез  4 ноябрьдә “Саба таңнары” газетасы призына  үткәреләчәк  турнир  алдыннан көчле  көндәшләр  белән  бил  алышып, яхшы  күнегү  алдылар.